Иккинчи Ер деб эътироф этилган сайёра ҳаёт учун яроқсиз экани маълум бўлди

АҚШ коинот агентлиги НАСА олимлари қизил митти юлдузлар атрофида айланувчи ва яшаш мумкин бўлган ҳудудда бўлган сайёралар сув ва кислороддан маҳрум эканлигини аниқлашди. Бу эса Иккинчи Ер сифатида маълум бўлган Proxima b экзосайёрасининг ҳаёт учун яроқсизлигидан дарак беради. Бу ҳақда Gizmodo нашри хабар бермоқда. 

Тадқиқотчилар қизил миттилар томонидан сайёралар атмосферасига чиқарилувчи рентген ва ультрабинафша нурларини моделлаштиришди. Аниқланишича, суюқ сув бўлиши (яшаш мумкин бўлган ҳудудда жойлашиш) учун она юлдузидан анча узоқ жойлашган экзосайёраларнинг атмосфераси юқори энергетик нурланиш билан "учириб юборилади". Бу сайёралар катта даражада кислород йўқотадилар, бу эса уларнинг сиртида суюқ сув бўлиши мумкинлигини истисно қилади.

Олимлар Ерга энг яқин экзосайёра Proxima b ҳар икки соатда юлдуз энергияси оқимлари таъсирини сезишини ҳисоблаб чиқдилар. Бу эса у 10 млн йил ичида кислородни тўлиқ йўқотишини англатади.

Тадқиқот ҳаёт учун яроқли сайёраларни топиш имконини пасайтиради, чунки Қуёш тизимига яқин бўлган юлдузларнинг кўпчилиги қизил миттилар ҳисобланади.