Покистондаги терактдан кейин 100 дан кўпроқ жангари йўқ қилинди
Покистон хавфсизлик кучлари Саҳвон-Шариф шаҳрида содир этилган йирик терактдан кейин мамлакатнинг турли қисмларидаги рейдлар ва жанговар тўқнашувлар оқибатида 100 дан кўпроқ террорчини йўқ қилди.
16 февраль Синд вилоятининг Саҳвон-Шариф шаҳрида суфий файласуф ва шоир Лаъл Шаҳбоз Қаландар мақбараси ҳудудида портлаш содир этилганди. Бу теракт учун жавобгарликни ИШИД ўз зиммасига олганди. Теракт суфийлик оқимининг кўплаб издошлари анъанавий маросимни бажараётганларида содир этилган. Охирги маълумотларига кўра, 88 киши ҳалок бўлган, 300 дан кўпроқ киши жароҳатланган.
Таъкидланишича, мамлакат разведка хизматлари ҳужум ортида турган террорчилик тармоқларини аниқлашда давом этмоқдалар. Армияда айтилишича, мамлакатда яқинда содир этилган бир қатор терактлар хориж қўллаб-қувватлови ёки кўрсатмаси билан амалга оширилганига исботлар бор. Бундан ташқари, Покистон-Афғонистон чегарасида террорчилар яширинган жойларга зарбалар берилмоқда.
Мавзуга оид
21:12 / 22.09.2024
Покистонда Россия элчиси кортежидаги автомобил мина билан портлатилди
12:50 / 21.09.2024
Покистон Ўзбекистон иштирокидаги халқаро транспорт йўлагини ташкил этиш бўйича меморандумни имзолади
14:10 / 10.09.2024
Нидерландияда қотилликка ундаганликда айбланган икки покистонлик судланди
12:27 / 21.08.2024