Қўшимча функционаллар
-
Тунги кўриниш
Ҳайдовчисиз электр пойга машиналари пойгаси тўқнашув билан якунланди
Фото: Twitter.com/@Autoblogcomar
2016 йилдан бошлаб ҳайдовчисиз автомобиллар ўртасида халқаро мусобақа Roborace расмий пойга ҳисобланади ва унинг мақсади сунъий онг имкониятларини намойиш қилишдан иборат. 19 февралда Буэнос-Айресда Formula E трассасида иккита ҳайдовчисиз пойга машинаси прототипи беллашди.
Машиналар нисбатан катта бўлмаган тезликда ҳаракатландилар, бироқ маррага соатига 185 км тезлик билан келган бир машинагина ўз имкониятларини намойиш қила олди. Иккинчи машина маррага етиб бора олмади. Бунга у бурилишни кескин бошлаб, бошқарувни қўлдан чиқаргани сабаб бўлди.
Пойга ташкилотчилари тўқнашувда бирорта пойгачи жабр кўрмаганини айтиб, бундай пойгаларнинг устунлигини қайд қилишди. Ҳозирча бир нарса аниқ бўлди: тўқнашувга учраган автомобиль учун дастурий таъминот яратганлар ҳали ўз устларида ишлашлари керак экан.
Автомобиллар оддий пойга машиналаридан унча фарқланмаганлар: иккала болиднинг конструкциясида ҳайдовчи учун ўриндиқлар мавжуд бўлиб, бироқ пойга вақтида бу ўриндиқлар бўш бўлган. Машина яратувчиларининг айтишларича, ушбу синов моделлари янада такомиллашади. Ҳайдовчисиз пойга автомобиллари аввал ҳам оддий трекларда синалган, бироқ автопилотда ишловчи иккита элекроболид бундай шароитларда илк марта беллашди.
Формула Е пойгалари Халқаро автомобиль федерацияси FIA’нинг батареяларда ишловчи ва электроприводлар эвазига ҳаракатланувчи электр пойга болидлари чемпионати ҳисобланади.
Мавзуга оид
02:50 / 27.11.2020
Аргентина пойтахтида Марадона мухлислари ва полиция ўртасида тўқнашувлар юз берди
17:00 / 03.12.2018
G20 — жаҳон етакчилари клуби: Аргентина саммитидаги мавзулар ва диққат марказидаги шахслар
23:56 / 02.12.2018
Президент кўз ёшлари ва G20 саммитида кузатилган бошқа қизиқ ҳолатлар
23:22 / 30.11.2018