Сўров: Америкаликларнинг 50 фоизидан ортиғи Трампнинг президентликдаги биринчи ойидан норози

Америкаликларнинг ярмидан ортиғи Дональд Трампнинг АҚШ президентлигидаги биринчи ойда амалга оширган ишларидан норози бўлди. Бу Hill нашри буюртмасига кўра ўтказилган сўровномада акс этган.

NBC News/Survey Money тадқиқот компанияси ўтказган сўровноманинг кўрсатишича, иштирокчиларнинг 54 фоизи Трампдан норозилигини, 43 фоизи эса президент ишидан қониқиш ҳосил қилганини билдирган.

Сўровномада ҳукумат фаолияти ҳақида ҳам сўралган. Сўралувчиларнинг 42 фоизи ҳукумат фаолиятидан норозилигини маълум қилган, 32 фоизи эса аксинча фикрда.

Трампдан президентлигининг илк ҳафтасида 7 давлат (Эрон, Ироқ, Яман, Ливия, Сурия, Сомали ва Судан) фуқароларининг киришини вақтинчаликка чеклаш бўйича фармонини имзолагани бўйича фикрлар ҳам ўрганилган.

Сўровнома иштирокчиларининг ярмидан кўпроғи бу қарорни тўғри деб билган, 47 фоиз киши бу қарорни ортга йўл деб баҳолаган.

Сўровнома 13-19 февраль кунлари давомида ўтказилган, унда 11,5 минг киши иштирок этган.