«Тоттенҳэм» Кейннинг дубли эвазига ғалаба қозониб, турнир жадвалида иккинчи ўринга мустаҳкам жойлашди

Англия чемпионатининг 27-турида «Тоттенҳэм» ўз майдонида «Эвертон»ни қабул қилди. Учрашув майдон эгаларининг 3:2 ҳисобидаги ғалабаси билан якунланди.

Ғолиблар сафида голларга Гарри Кейн (дубль) ва Деле Алли муаллифлик қилди. «Эвертон»нинг голлари Ромелу Лукаку ва Эннер Валенсия томонидан урилди.

Бу ғалаба Почеттино шогирдларининг қаторасига тўққиз уй учрашувида ғалаба қилиши бўлди ва бу жамоа рекорди ҳисобланади.

Эндиликда «Тоттенҳэм» 56 очко билан АПЛ турнир жадвалининг иккинчи ўрнига жойлашди, «Эвертон» эса 44 очкоси билан еттинчи ўринда қолди.

Англия премьер-лигаси, 27-тур

Тоттенҳэм – Эвертон 3:2 (1:0)
Голлар: Кейн (20, 56), Алли (90+1) – Лукаку (81), Валенсия (90+4).
Тоттенҳэм: Льорис, Вертонген, Дэвис, Уокер, Алдервейрелд, Дембеле (Уинкс, 78), Дайер, Эриксен (Сиссоко, 87), Ваньяма, Алли, Кейн (Янссен, 90).
Эвертон: Роблес, Уильямс, Бейнс, Коулмэн, Фунес Мори, Бэрри (Маккарти, 64), Шнайдерлин, Баркли, Гуйе (Валенсия, 81), Дэвис (Миральяс, 64), Лукаку.
Огоҳлантиришлар: Дембеле (76) – Гуйе (29), Уильямс (90+4).