Қўшимча функционаллар
-
Тунги кўриниш
"Ҳаво орқали рухсат бўлмаса, қуруқлик орқали": турк вазири Нидерландияга қуруқликдаги транспорт билан етиб олмоқчи
Туркиянинг оила ишлари бўйича вазири Фатма Бетул Саён Кайя Нидерландия ҳукумати Туркия ташқи ишлар вазири Мавлуд Човушўғлу самолётига қўнишга рухсат бермагандан кейин, бу мамлакатга қуруқликдаги транспорт билан етиб олмоқчи. Бу ҳақда "Анадолу" ахборот агентлиги хабар бермоқда.
Ахборот агентлиги маълумотларига кўра, ҳозирда Кайя Германияда сафарда. Энди вазир Нидерландияда унинг иштирокидаги тадбирлар бекор қилинганига қарамасдан, у ерга йўл олмоқчи.
Мавлуд Човушўғлу 11 март куни Нидерландиянинг Роттердам шаҳрида турк жамоаси намойишида иштирок этиб, икки фуқароликка эга туркларни Туркия конституциясига ўзгаришларни қўллаб-қувватлашга чақирмоқчи эди. Туркияда бошқарувнинг парламент шаклидан президентлик шаклига ўтишни кўзда тутувчи конституцияга ўзгаришлар бўйича референдум 16 апрелда бўлиб ўтади.
Роттердам мэри Нидерландия ҳукумати Човушўғлуга намойишда иштирок этишга рухсат бермаслигини айтганига қарамасдан, турк вазири барибир Роттердамга боришини ва агар нидерландлар унга қаршилик кўрсатсалар, санкциялар қўллаш билан таҳдид қилганди. Шундан кейин Нидерландия ҳукумати Човушўғлу самолётига мамлакатга қўнишга рухсат бермаган.
Мавзуга оид
12:07 / 23.04.2026
MIVD: Москва НАТОни мағлуб этишни эмас, бўлишни кўзлаяпти
13:38 / 13.03.2026
Германия разведка хизмати раҳбари собиқ ўринбосари Signal’да фишинг ҳужуми қурбони бўлди
15:25 / 10.03.2026
Нидерландия: Россиялик ҳакерлар Signal ва WhatsApp’га бузиб киришга уринмоқда
12:17 / 09.03.2026