Лавров Марказий Осиёдаги хавфсизликка асосий таҳдидни айтди

Марказий Осиёдаги хавфсизликка асосий таҳдид Афғонистондан келмоқда, Москвани ИШИД террорчилик гуруҳининг республика шимолида ўрнашиб олишга ҳаракат қилаётгани айниқса ташвишга солмоқда, деб маълум қилди Россия ТИВ раҳбари Сергей Лавров чоршанба куни.

"Марказий Осиёдаги хавфсизликка асосий таҳдид Афғонистон ҳудудидан келмоқда. Айниқса ИШИДнинг Афғонистон Ислом Республикаси шимолида ўрнашиб олиш, ўз сафини бошқа террорчилик гуруҳлари аъзолари ҳисобига тўлдириш бўйича ҳаракатлари жиддий ташвишга солмоқда. Ўтган йилнинг августида Бишкекда Хитой дипломатик ваколатхонасига қарши ИШИД билан алоқадор бўлган худкуш-жангари томонидан теракт содир этилганди", - дея маълум қилди Лавров "Международная жизнь" журналига берган интервьюсида.