Хитой Бразилиядан гўшт импорт қилишни тўхтатиб қўйди

Хитой ҳукумати 19 мартдан бошлаб Бразилиядан гўшт импорт қилишни вақтинчалик тўхтатиб қўйди. Бу ҳақда Reuters ахборот агентлиги хабар бермоқда. 

Маълум қилинишича, бундай чора Бразилияда айниган гўштни сотишга рухсат олиш учун соғлиқни сақлаш соҳасида ишловчи мансабдор шахсларга пора берилган бўлиши мумкинлиги ҳақида ахборот пайдо бўлгандан кейин юзага келган можаро сабабли қабул қилинган. 

Ахборот агентлиги манбасининг маълум қилинишича, Хитой бу чорани "огоҳлантирувчи чора" сифатида қўллаган.