Қорақалпоғистонда 31 объект ва 20 фуқаро хонадони назоратга олинди

2017 йилнинг 9 февраль куни Ўзбекистон Республикаси Президенти Шавкат Мирзиёев раислигида ички ишлар органлари фаолиятида мавжуд муаммо ва камчиликлар, истиқболдаги вазифаларга бағишланган видеоселектор йиғилиши бўлиб ўтган эди. 

Республикада ушбу йиғилишдаги танқиддан тўғри ҳулоса чиқариб, эл-юрт тинчлиги, осойишталиги ва фуқаролар хавфсизлигини таъминлаш, жиноятчиликнинг олдини олиш мақсадида ҳар ҳафтанинг пайшанба кунлари ўтказилаётган «Профилактика куни»да қўриқлаш хизмати томонидан шаҳар ва туманларда ОФЙ, МФЙларда фуқаролар иштирокида учрашувлар ташкил қилинмоқда. Бу ҳақида ҚР ИИВ хузуридаги Қўриқлаш бошқармаси инспектори лейтенант М.Шербеков хабар берди. 

М.Шербековнинг сўзларига кўра, фуқаролар хавфсизлигини таъминлаш юзасидан, юқори ўқув ўринлари, коллеж, лицейлар, дўкон, интернет клуб, пайнет шохобчалари ва пул айланмаси билан боғлиқ бошқа объектларни, корхона, ташкилотлар ҳамда фуқоралар хонадонларини назоратга олиш ва видео кузатув камералари, «ташвиш» хабар мосламаларни ўрнатиш бўйича олиб борилган тарғибот-ташвиқот ишлари олиб борилди. Бунинг натижасида қўриқлаш хизмати тадбир бошидан ҳозирги кунига қадар 31 та объект ва 20 нафар  фуқаро хонодонларини назорат остига олди.