Назарбоев Дубай халқаро молия марказига ташриф буюрди

Қозоғистон давлат раҳбари Нурсултон Назарбоев БААгаамалий ташрифи доирасида Дубай халқаро молия маркази (DIFC) раҳбарияти билан учрашди. Бу ҳақда Tengrinews.kz хабар қилмоқда. Назарбоев марказга ташрифи чоғида DIFC фаолияти, унинг ривожланиш истиқболлари билан танишди. 

Қозоғистон президентига Дубай ЯИМда DIFC ҳиссаси хусусида ахборот берилди. Ушбу тузилма ташкил этилганидан бери бу рақам 8 фоизга ўсгани таъкидланди. Шу билан бирга, DIFC рўйхатидан ўтган компаниялар ўсгани ҳамда унинг инфратузилмаси сезиларли яхшилангани қайд этилмоқда. Қозоғистон давлат раҳбари "Остона" халқаро молия марказини барпо этишда БАА тажрибасини ўрганиб, жорий этаётганини билдирган.