Ўзбекистонлик яна бир дзюдочи Тбилиси Гран-присида совриндор бўлди

Бугун, 2 апрель куни Грузиянинг Тбилиси шаҳрида дзюдо бўйича Гран-При турнири якунига етди.

МОҚ матбуот хизмати берган хабарга кўра, турнирнинг учинчи кунида ҳам Ўзбекистон вакили шоҳсупага кўтарилди. 

-90 кг вазн тоифасидаги спортчи Шаҳзодбек Собиров бронза медалга эгалик қилди.

Ушбу дзюдочи ўтиш баҳсида словакиялик Петер Зилкани мағлубиятга учратди ва бронза медаль учун бўлиб ўтадиган жангда иштирок этиб, венгриялик Габор Верни мағлуб этди.

1 апрель куни Ўзбекистон вакили Ғиёсжон Бобоев ушбу Гран-Прида олтин медаль олганди.