Ўзбекистонда шиналар ишлаб чиқарувчи завод очилади

Ўзбекистонда август ойида шиналар ишлаб чиқарувчи заводнинг биринчи навбатини ишга тушириш режалаштирилмоқда. 

Ҳозир Тошкент вилоятининг Ангрен шаҳрида қурилаётган корхонанинг ишлаб чиқариш қуввати биринчи босқичда йилига 2 млн тага яқин енгил автомобиллар шинасини ташкил қилади. 

2018 йилда заводда конвейер тасмалари ва қишлоқ хўжалиги шиналари ишлаб чиқариш бошланади, енгил автомобиллар шиналари ишлаб чиқариш ҳажми йилига 3 млн тагача, қишлоқ хўжалиги шиналари ишлаб чиқариш эса 200 мингтача ошади.

Лойиҳада "Ўзкимёсаноат" ва "Ўзавтосаноат" АЖ ҳамда Ўзбекистондаги иккита йирик тоғ- металлургия комбинатлари – Навоий ва Олмалиқ ТМК иштирок этмоқда. 

"Ўзкимёсаноат"нинг лойиҳадаги улуши 50 фоизни, "Ўзавтосаноат"ники 30 фоизни, Навоий ва Олмалиқ ТМК’ларнинг ҳар бириники 10 фоизни ташкил қилади.