Тошкентнинг Яшнобод туманида аёл киши “Матиз”да биринчи синф ўқувчисини уриб кетди

Тошкентнинг Яшнобод туманидаги “Авиасозлар-4” мавзесида ўтган шанба куни “Матиз” ҳайдовчиси биринчи синф ўқувчини уриб кетди. Бола турли жароҳатлар билан касалхонага етказилди. Бу ҳақда Nuz.uz хабар бермоқда.

Маълум бўлишича, 1 апрель куни “Матиз” “Авиасозлар-4” мавзесидаги 39-рақамли уй қаршисида 244-мактабнинг 1-синф ўқувчисини уриб кетган. Автомобилни 37 ёшли аёл киши бошқарган.

Тошкент ИИББ ЙҲХБ матбуот хизматининг хабар беришича, бола 4-шаҳар клиник шифохонасига турли жароҳатлар билан олиб кетилган. 

Дастлабки маълумотларга кўра, бола йўлни белгиланмаган жойдан кесиб ўтаётган бўлган. Айни дамда текширув ишлари ўтказилмоқда.