Канада полицияси конфет ўғирлаган болаларни тутишга катта кучлар ташлади

Канада полицияси Торонто яқинидаги кўнгилочар боғда ширинликлар ўғирлаган болаларни тутиш учун катта кўламли махсус операция ташкиллаштирди, деб хабар берди Huffington Post нашри.

Нашрнинг маълум қилишича, кичик ўғриларни тутишга бир қанча бўлинмалар жалб қилинган. Рейдда кинологлар отряди, тепловизорли полиция вертолёти ва Йорк округи махсус кучлари қатнашдилар.

Ўғирликни содир этган 15-16 ёшли ўсмирлар жиноят жойидан унча узоқ бўлмаган ерда аниқландилар. Полициячиларнинг айтишича, улар буталар ортига яширин олиб, ўғирланган конфетларни "паққос тушириб" ўтиришган.