Видео: Россия шаҳарларидан бирида шарбат дарё бўлиб оқди
Россиянинг Лебедянь шаҳрида жойлашган PepsiCo заводида юз берган фалокат оқибатида бир неча тонна шарбат шаҳар кўчаларига оқиб кетди. Бу ҳақда ҳудуд прократураси хабар берган.
Воқеа маҳаллий вақт билан 10:00да (Тошкент вақти билан 12:00) юз берган. 300 квадрат метр ҳудудда жойлашган омборнинг том қисми қулаб тушган. Икки киши жабрланган. ФВВнинг хабар беришича, уларнинг жароҳати оғир эмас.
“Фалокат оқибатида бир неча тонна шарбат шаҳар кўчаларида оқиб кетди”, дейилади прократура берган хабарда.
Воқеа жойида Липецк вилоятининг табиатни муҳофаза қилиш прокурори ва ушбу соҳа мутахассислари иш олиб борган. Дастлабки суриштирув ишлари бошлаб юборилган.
Маълумот ўрнида: PepsiCo’нинг Россияда жойлашган ушбу заводида турли хил шарбатлар, жумладан, “Я”, “Тонус”, “Фруктовый сад”, “Тропикана” ва “Привет” деб номланган маҳсулотлар ишлаб чиқарилади.
Мавзуга оид
12:00
Reuters: Россия Хитойда яширинча янги УУА моделини яратди
11:20
ОАВ: Россия Қатар иштирокида тўққиз нафар болани Украинага топширди
01:07
Россияда болали бўлган мактаб ўқувчиларига ОТМга киришда қўшимча балл бериш таклиф этилди
22:34 / 26.09.2024