ОАВ: “Толибон” Афғонистонда “баҳорги ҳужумга” ўтди

"Франс Пресс" агентлиги “Толибон” ҳаракатининг “баҳорги ҳужуми” бошлангани ҳақида хабар берди. Унинг асосий нишони – Афғонистонда жойлашган хорижий кучлардир.

"Асосий нишонга хорижий кучлар, уларнинг ҳарбий инфратузилмаси ва разведкаси, шунингдек, уларнинг маҳаллий ҳамтовоқлари айланади", - ҳаракат баёнотидан иқтибос келтирган агентлик.

АҚШ Афғонистонда “Толибон” ҳаракати жангариларига қарши ҳарбий амалиётни 2001 йилда бошлади. Айни дамда мамлакатда тахминан 8,4 минг америкалик ҳарбий хизматчи бор, улар асосан маҳаллий хавфсизлик кучларига толиблар ва ИШИД террорчилик гуруҳи жангарилари билан курашишда ёрдам беради.