Бугун ўзбекистонлик 4 нафар боксчи рингга чиқади

Фото: Kun.uz

2 май куни Тошкентнинг “Ўзбекистон” универсал спорт мажмуасида бокс бўйича 29-Осиё чемпионати давом этади. Унда жами 35та жанг ўтказилади. Шулардан 4тасида Ўзбекистон терма жамоаси вакиллари рингга кўтарилишади.

60 кг: Элнур Абдураимов (Ўзбекистон) - Паликте Жеймс (Филиппин)
69 кг: Шаҳрам Ғиёсов (Ўзбекистон) - Эшаш Зиёд (Иордания)
81 кг: Бектемир Мелиқўзиев (Ўзбекистон) - Зиёдий Амин (Эрон)

Бу жанглар 2 май куни соат 12:00да бошланадиган босқичда бўлиб ўтади.

18:00да бошланадиган жанглар туркумини Ўзбекистоннинг яна бир боксчиси, 52 кг вазн тоифасида иштирок этаётган Жасурбек Латипов қозоғистонлик Усеналиев Озодга қарши рингга чиқиш билан бошлаб беради.

Эслатиб ўтамиз, 1 май кунги жангларда Ўзбекистоннинг 5 нафар боксчиси рингга кўтарилиб, уларнинг барчаси рақибларини мағлуб этишган эди. Муроджон Аҳмадалиев, Иқболжон Холдоров, Ҳасанбой Дўсматов, Исроил Мадримов ва Санжар Турсуновлар рақибларидан устун келишди.