Москвада Петербург терактига алоқадорликда гумон қилиниб марказий осиёлик қўлга олинди

Москва шаҳрида ФСБ (Федерал хавфсизлик хизмати) ходимлари портловчи моддаларни ноқонуний сақлаган марказий осиёликни қўлга олди.

Қўлга олинган Иброҳим Эрматов апрель ойи бошида Санкт-Петербург метросидаги портлашни содир этишда асосий гумондор ҳисобланувчи Акбаржон Жалиловнинг шериги бўлгани гумон қилинмоқда.

Айни вақтда терговчилар Эрматов терактга қай даражада алоқадорлигини текширишмоқда.

Петербург метросининг «Сенная плошчад» ва «Технологический институт» бекатлари оралиғидаги портлаш 3 апрель куни юз берган эди. Ҳодиса оқибатида 16 киши, жумладан, террорчи-худкуш Акбаржон Жалилов ҳам ҳалок бўлган, 50 га яқин киши тан жароҳати олган. Портлаш иши бўйича ҳозиргача 10 киши ҳибсга олинган.