2017 йил 18 май куни Тошкент шаҳрида буюк туркман шоири ва мутафаккири Махтумқули номидаги кўча ва унга бағишланган меъморий ёдгорликнинг очилиш маросими бўлиб ўтди.
Тадбирда давлат арбоблари, шоир ва ёзувчилар, санъаткорлар, Республика байналмилал маданият маркази вакиллари иштирок этди.
Очилиш маросимида шоир қаламига мансуб шеърлар ўқилди. Ҳофизлар томонидан Махтумқули шеърлари асосида қўшиқлар ижро этилди.
Алназаров Жасвант, ҳайкалтарош, Махтумқули меъморий ёдгорлигининг муаллифи:
"Мен асли Хоразмдан бўлганим учун, хоразмча қўшиқларда Махтумқулининг ижодига тегишли мисраларни тинглаб катта бўлганман. Мазкур меъморий ёдгорликни қуриш бўйича эълон қилинган танловда ғолиб бўлганимдан ва буюк туркман шоирининг мангу хотирасини абадийлаштиришга ҳисса қўшганимдан бахтлиман", деди у.
