Reuters: Трамп Форс кўрфази мамлакатларини НАТО каби алянс тузишга чақириш ниятида

Фото: AFP

АҚШ президенти Доналд Трамп ўзининг илк хорижий сафари чоғида Форс кўрфази мамлакатларини Яқин Шарқда НАТОга ўхшаш ташкилот тузишга чақириш ниятида. Бу ҳақда Reuters агентлиги Вашингтон маъмуриятидаги манбасига асосланган ҳолда хабар қилди.

Манбанинг сўзларига кўра, Трамп "Саудия Арабистонига уюштирадиган ташрифида Форс кўрфази мамлакатларини Яқин Шарқда НАТОга ўхшаш кучни ташкил этишга чақиради".

Аввалроқ, Оқ уй маъмурияти мамлакат президентининг 21-27 май кунлари ўзининг илк хорижий сафарига чиқишини, унинг доирасида Саудия Арабистони, Исроил, Италия, Ватикан ва Белгияга ташриф буюришини маълум қилган эди. Бундан ташқари, Трамп G7 ва НАТО саммитларида ҳам иштирок этади. НАТО саммити 25 май куни бўлиб ўтади.