АҚШ Саудия Арабистонига 350 млрд долларлик қурол сотиши мумкин

Саудия Арабистонига яқин 10 йилликда сотиладиган АҚШ қурол-аслаҳасининг умумий қиймати 350 млрд долларгача етиши мумкин, деб журналистларга хабар берди Оқ уй вакили Сара Сандерс. 

Сандерснинг айтишича, АҚШ президент Дональд Трампнинг Саудия Арабистонига ташрифи давомида Ар-Риёдда ўтган маросимда бир қатор ҳужжатлар имзоланди. Ҳужжат ҳамкорлик ҳақидаги қўшма баёнот ҳамда 9 та шартнома ва офертни ўз ичига олади. Ар-Риёдга сотиладиган АҚШ қуроли ва ҳарбий хизматларининг қиймати 110 млрд долларни ташкил қилади. 

Сандерснинг таъкидлашича, Ар-Риёд яқин 10 йилда АҚШдан 350 млрд долларлик қурол сотиб олиши мумкин.