Яманда вабо тарқалмоқда, касалликдан ҳалок бўлганлар сони 315 нафарга етди
Яман вабо эпидемияси хавфи остида қолди - бир ой ичида хасталикка чалинган 315 киши жон берган. Бу ҳақда Бутунжаҳон соғлиқни сақлаш ташкилоти маълум қилди.
Вабо вируси ҳарбий зиддиятлар давом этаётган қашшоқ араб давлатининг 22 вилоятидан 19тасида қайд этилган. Яманда бу вирусга юқтиргани гумон қилинаётганлар сони 30 минг нафарга яқин. Хасталикка асосан ёш болалар чалинмоқда.
Охирги статистика маълумотлари шуни кўрсатмоқдаки, Яманда вабо тарқалиши бутунлай назоратдан чиқиб кетиши мумкин.
Al Jazeera телеканали хабарига кўра, ўтган ҳафтада мамлакат пойтахти Сано шаҳрида ушбу хасталикка чалинишлар сони кўплиги туфайли фавқулодда ҳолат эълон қилинди.
Вирус ифлосланган сув ёки таомдан тарқалмоқда. Белгилари қорин қаттиқ оғриши ва қайт қилиш. Оғир ҳолатда даво чоралари қилинмаса, бир неча соат ичида ўлим бўлади.
Маълум қилинишича, Ямандаги тиббиёт муассасаларининг ярмидан кўпи бу хасталикка қарши курашиш учун мўлжалланмаган. Уруш туфайли мамлакатда 300га яқин шифохона вайрон бўлган.
Ямандаги турли ҳудудларда 8 миллионга яқин киши ушбу вирусни юқтириб олиш хавфи остида яшамоқда. Бу кишилар ифлосланган сув ичиши ёки таом еб қўйиши мумкин.
Яқин ярим йил ичида Яманда ушбу хасталикка 4 миллионга яқин киши чалиниши мумкин. Бу эса ўн минглаб қурбонлар демакдир.
Мавзуга оид
00:28 / 19.09.2024
Дунёда бир ой ичида қарийб 50 минг кишида вабо аниқланди
15:54 / 07.09.2024
Дунёда вабодан ўлим кўрсаткичи 71 фоизга ошди – ЖССТ
07:51 / 29.07.2024
Франция ИИВ раҳбарига вабо излари бўлган посилка юборилди
12:37 / 27.07.2024