Видео: Автопойгачи жуда жиддий тўқнашувдан сўнг мўъжиза туфайли омон қолди

Chip Ganassi Racing жамоаси вакили бўлган янги зеландиялик спортчи Скотт Диксон "Индианаполиснинг 500 мили" пойгасида жиддий фалокатга учради.

Ҳодисага Диксоннинг бурилишдан чиқишда бошқарувни йўқотган бошқа бир пойгачи билан тўқнашуви сабаб бўлган. Тўқнашувдан сўнг янги зеландияликнинг болиди ҳавога кўтарилди, ҳамда шундан сўнг трасса тўсиғига бориб урилиб, бир неча бор тўнтарилиб кетган.

The Mirror’нинг хабар қилишича, авария қатнашчилари пилотни шундай ҳолатлардан ҳимоя қилиб турувчи кокпитлар туфайли жароҳат олишмаган.

"Индианаполиснинг 500 мили" пойгасида "Хонда"да қатнашган япониялик Такума Сато ғалаба қозонди.