Дунёдаги энг қиммат ҳарбий кема қайси давлатга тегишли?

Кема қурувчилари АҚШ ҳарбий-денгиз кучларига Gerald R. Ford авиаташувчисини топширишди, дейилади Америка флоти баёнотида.

Хабар қилинишича, кемани қабул қилиб олиш бўйича синовлар 26 май куни бўлиб ўтган.

Кутилишича, авиаташувчи фақатгина 2020 йилга келиб тўлақонли фойдаланишга тайёр бўлади, бунга қадар эса жанговар ва муҳандислик тизимларини ишлаб чиқиш мақсадида бир неча маротаба денгизга чиқарилади.

USS Gerald R. Ford авиаташувчиси тахминан 13 миллиард доллар қийматга эга бўлиб, дунёдаги энг қиммат ҳарбий кема саналади. У 2009 йилда қурила бошланиб, 2014 йилда тугатиш режалаштирилганди.