Эрон Ўзбекистонга қарши учрашув олдидан сафарда Черногорияни мағлуб этди

Черногория терма жамоаси ўз майдонида Эронга қарши ўртоқлик ўйини ўтказди. Ўйин «Под Горицом» ўйингоҳида кечган учрашув 1:2 ҳисобида меҳмонлар фойдасига ҳал бўлди. 

Меҳмонлар таркибида "Ростов" ҳужумчиси Сардор Азмун дубль қайд этган бўлса, мезбонларнинг ягона голи 32-дақиқада "Интер" ҳужумчиси Стеван Йоветич томонидан киритилди. 

 79-дақиқада эронлик ҳимоячиси Муртазо Пуралиганжи иккинчи сариқ карточкасини олиб, майдонни тарк этди. 

Маълумот учун, Ўзбекистон терма жамоаси 12 июнь куни 2018 йилги жаҳон чемпионатига йўлланмани қўлга киритиш учун Эронга қарши ўйнайди.

Ўртоқлик учрашуви

Черногория - Эрон - 1:2 (1:1)
Голлар: Йоветич (32) - Сардор Озмун (11, 60).
Четлатиш: Пуралиганжи (79, Эрон)