Саудия Арабистони ва БАА Қатарни шакарсиз қолдирди

Фото: @shalome05 / AP

Саудия Арабистони ва Бирлашган Араб Амирликлари (БАА) Қатар билан дипломатик алоқаларни узишгандан кейин бу давлатга қанд лавлагидан олинадиган шакар экспортини тўхтатдилар. Бу ҳақда 5 июнь куни Reuters ахборот агентлиги маълум қилди.

Қатар шакарни асосан Саудия Арабистони ва БААдан олади. Ушбу давлатлар Қатарга йилига 100 минг тоннага яқин шакар етказиб беришади.

Аввалроқ ахборот агентлиги Қоҳира Доҳа билан дипломатик алоқаларни узишини эълон қилгандан бир неча соат ўтиб Миср банклари Қатарнинг кредит ташкилотлари билан ҳамкорликни тўхтатганларини маълум қилганди. Бундан ташқари, Қатарнинг QE All Share фонд бозорининг индекси савдолар вақтида 8 фоиздан кўпроққа тушиб кетган.

5 июнда 6 та араб давлати (БАА, Миср, Баҳрайн, Саудия Арабистони, Яман ва Ливия) ҳамда Мальдив ва Маврикий Қатарни террорчиликни қўллаб-қуватлашда айблаб, у билан дипломатик алоқаларни узишга қарор қилдилар.

#Саудия Арабистони #БАА #Қатар #шакар

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.