Қатар ТИВ раҳбари терроризмни қўллаб-қувватлашга доир айбловларни рад этди

Қатар ташқи ишлар вазири Муҳаммад Абуд-ур-Раҳмон Ат-Таний унинг мамлакати террорчиларни қўллаб-қувватламаслигига доир баёнот билан чиқди. 

"Биз террорни молиялаштиришга қарши курашяпмиз ва дунёни салоҳиятли террорчи ва гуруҳлардан ҳимоя қиляпмиз", - деди у CNN телеканалига берган интервьюсида. 

Ат-Таний Қатарни экстремистик гуруҳларни қўллаб-қувватлашга оид баёнотлардаги қарама-қаршиликка диққатни қаратди. 

"Бу баёнот қарама-қаршиликларга тўла: бир томондан, биз гўёки Эронни қўллаб-қувватлаймиз, бошқа томондан эса - Суриядаги экстремистик гуруҳларни, шу билан бирга ҳам Саудия Арабистонидаги "Мусулмон биродарлар" террорчи гуруҳини қўллаб-қувватлаймиз, ҳам хусийларни", - дейди вазир. 

Ат-Таний Қатарга ёғдирилган айбловларнинг барчаси сохта маълумотларга асосланганини таъкидлади. Шундай экан, вазир мамлакатнинг зиддиятни тинч йўл билан ҳал қилишга доир музокараларга тайёр эканини билдирди. 

5 июнь куни Саудия Арабистони, Баҳрайн, БАА, Миср, Яман, Ливия, Мальдив ва Маврикий Республикаси Қатарни терроризмни қўллаб-қувватлашда айблаб, у билан дипломатик алоқаларни узишгани ҳақида хабар берилганди.