Путин: АҚШда президентлар ўзгаради, сиёсат эса йўқ

Фото: ©РИА Новости

Россия президенти Владимир Путин АҚШ раҳбари ким бўлишидан қатъий назар, АҚШ сиёсати аввалгидек қолишига ишончи комиллигини айтди. Путин бу фикрни америкалик режиссёр Оливер Стоунга берган интервьюсида билдирди. "Путин интервьюси" деб номланган ҳужжатли фильмдан бир парча АҚШнинг Showtime телеканали томонидан тарқатилди.

"Қизиғи, сизнинг давлатингизда президентлар ўзгаради, сиёсат эса йўқ", деб айтган Путин.

Стоун америкалик томошабинларга Путиннинг айтган сўзларини "американча дубляжсиз", аслидек етказмоқчи. Фильм 12-15 июнь кунлари Showtime телеканалида тўлиқ намойиш қилинади.