Бухорода 18 ёшли йигит 2,2 млн сўм ва 800 долларни ўғирлаб кетди

Бухоро шаҳар Шоахсий кўчасида яшовчи, 1987 йилда туғилган Ш.Юнинг уйига номаълум шахс калит танлаш йўли билан кириб, у ердан 2.200.000 сўм пули ва 800 АҚШ долларини ўғирлаб кетган, деб хабар бермоқда Ўзбекистон Республикаси ИИВ матбуот хизмати.

Мазкур жиноятни содир этган шахсни аниқлаш ва унга қонуний жазо берилишини сўраб фуқаро Ш.Ю ички ишлар органларига ариза билан мурожаат этган. Ушбу аризага асосан тезкор тергов гуруҳи ташкил этилиб, ўғри Бухоро шаҳрида истиқомат қилувчи 1999 йилда туғилган А.Ю эканлиги аниқланиб, ушланган. 

Унга нисбатан Ўзбекистон Республикаси Жиноят Кодексининг 169-моддаси 2-қисми билан жиноят иши қўзғатилган. Тергов давом этмоқда.