Қатар яманлик дипломатларга 2 кун муҳлат берди

Фото: © РИА Новости

Қатар ҳукумати Доҳадаги Яман элчихонаси ходимларига мамлакатдан чиқиб кетиш учун 48 соат муҳлат берди. Бу ҳақда яманлик дипломатларга асосланган ҳолда РИА Новости агентлиги хабар тарқатган.

"Қатар ҳукумати миссияни 2 кун ичида мамлакатни тарк этиш ҳақида огоҳлантирди", деган агентлик суҳбатдоши.

Ҳозирча икки томон ҳам бу борада расмий маълумот бермаган.

5 июнь куни Саудия Арабистони, Миср, БАА ва Баҳрайн Қатарни террорчилар билан алоқадорликда айблаб, бу мамлакат билан дипломатик муносабатларни тўхтатганди. Кўп вақт ўтмасдан улар қаторига Ливия, Мавритания, Мальдив, Маврикий ҳамда Яман ҳам қўшилганди.

Доҳадагилар айбловларни рад этиб, жавоб чоралари кўрилмаслигини маълум қилишган.

Тайёрлаган Азиз Қаршиев

#Қатар #Доҳа #Яман элчихонаси

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.