ЮНИСЕФ: Ироқда беш миллиондан ортиқ бола гуманитар ёрдамга муҳтож

Фото: Reuters

БМТ Болалар жамғармаси (ЮНИСЕФ)нинг маълум қилишича, Ироқда ҳозирги кунда 5 млн.дан ортиқ бола гуманитар ёрдамга муҳтож.

Бу ҳақда Reuters ташкилот баёнотига асосан хабар бермоқда.

«Ироқнинг барча ҳудудида болалар ҳақиқий даҳшат ва зўравонликнинг гувоҳига айланишда давом этмоқда», - дея жамғарма баёнотидан иқтибос келтиради агентлик.

Ташкилот маълумотига кўра, болаларни ўлдиришмоқда, яралашмоқда, ўғирлашмоқда, бировларни отиш ва ўлдиришга мажбурлашмоқда.

Аввалроқ ЮНИСЕФ Мўсулда болалар оммавий равишда ўлдирилаётганини маълум қилгани ҳақида хабар берилганди.