Трамп Жанубий Корея президенти билан КХДРни муҳокама қилди
АҚШ президенти Дональд Трамп жанубий кореялик ҳамкасби Мун Чжэ Ин билан КХДР муаммоси ва янги савдо келишувини муҳокама қилди.
«Ҳозиргина Жанубий Корея президенти билан ажойиб учрашувни якунладим. Кўплаб масалалар, жумладан Шимолий Корея ва янги савдо келишувини муҳокама қилдик!», - дея ёзди у ўз твиттерида.
Учрашув давомида томонлар Шимолий Кореяни ядро қуролидан холи ҳудудга айлантириш бўйича қўшма ҳаракатлар ҳақида келишиб олишди.
«Икки давлат етакчилари Шимолий Кореяни ядро қуролидан холи ҳудудга айлантириш ва Корея ярим оролида барқарор иқтисодий ривожланишни таъминлаш учун тинчлик ўрнатишга келишиб олдилар», - дея Жанубий Корея раҳбари матбуот котиби Юн Ён Чан сўзларини келтиради «Рёнхап» агентлиги.
Унинг таъкидлашича, икки давлат раҳбарларининг учрашуви «очиқ ва жиддий» ўтди ҳамда 15 дақиқа давом этган.
Мавзуга оид
08:40
Путин Думага КХДР билан ҳарбий ҳамкорлик тўғрисидаги қонун лойиҳасини киритди
22:41 / 13.10.2024
Ким Чен Иннинг синглиси Жанубий Кореяни «даҳшатли ҳалокат»дан огоҳлантирди
21:18 / 11.10.2024
Жанубий Корея етти йил ичида илк бор Taurus ракеталаридан фойдаланган ҳолда машғулот ўтказди
18:21 / 11.10.2024