Forbes дунёнинг энг қимматбаҳо спорт клубларини маълум қилди

АҚШнинг Миллий футбол лигаси (американча футбол) клуби "Даллас Ковбойз" Forbes журнали талқинига кўра дунёнинг энг қимматбаҳо спорт клублари рейтингига етакчилик қилмоқда.

Нашр клубни 4,2 млрд долларга баҳолаган. 

Рейтингда 2-ўринни Бейсбол бош лигаси клуби "Нью-Йорк Янкиз" эгаллаган, у 3,7 млрд долларга баҳоланган. 3-ўрин эса Англиянинг "Манчестер Юнайтед" клубига насиб қилган, унинг нархи 3,69 млрд долларни ташкил қилган.

Шунингдек, энг қимматбаҳо спорт клублари бешталигига "Реал" ва "Барселона" ҳам кирган. Испан грандларининг нархи мос равишда 3,64 млрд ва 3,58 млрд долларни ташкил қилади.

Аввалроқ "Реал" ва Португалия терма жамоаси ҳужумчиси Криштиану Роналду Forbes нашрига кўра дунёнинг энг катта даромад олувчи спортчилари рўйхатининг энг юқори поғонасини эгаллагани маълум қилинганди.