Оқ уйда Россияга АҚШдаги дипломатик мулки қандай шартда қайтарилиши маълум қилинди

АҚШ президенти ёрдамчисининг ўринбосари Себастьян Горканинг маълум қилишича, Оқ уйда Москвага Қўшма Штатлар ҳудудидаги Россия дипломатик мулкини қайтариш имконияти кўриб чиқилмоқда, деб хабар бермоқда CNN.

Горканинг айтишича, бундай ташаббусга сабаб – Вашингтон икки давлатнинг ўзаро алоқалари ва ҳамкорлигига имконият бермоқчи эканлигида.

«Унутманг, Сурияда 400 мингдан ортиқ киши ўлдирилди. Бу даҳшатли. Бироқ Кремлда сулҳ каби нарсалар бўйича яхши режалар бўлса, АҚШ давлат котиби Рекс Тиллерсон, икки пойтахт ўртасидаги муносабатларнинг яхшиланишини кўрмоқчи эканига ҳам имкон бор», - дея хулоса қилди у.