Моуриньо Роналду нима учун «МЮ»га қайтмаслигини айтди

«Манчестер Юнайтед» жамоаси бош мураббийи Жозе Моуриньо «Реал» ҳужумчиси Криштиану Роналду билан шартнома имзолаш имконияти ҳақида гапирди.

«Биз бу ҳақда ҳеч қачон ўйламаганмиз, чунки у «Реал» учун жуда муҳим футболчи. Бундан ташқари, «Реал» бадавлат клуб, шу туфайли ҳам Роналдунинг кетиши учун ҳеч қандай асос йўқ.

Шундай экан, қўлга киритиш имконияти йўқ футболчиларни жамоамга таклиф қилмайман», дея Моуриньонинг сўзларини келтирган As.

Ўтган ойда Роналду Мадриддан кетиши ҳақида маълум қилгач, «Манчестер Юнайтед»  унга асосий даъвогар экани айтилганди. Кейинроқ манчестерликлар мураббийи ва футболчи ўртасидаги муносабатлар туфайли трансфер амалга ошмаслиги ҳақида хабарлар тарқалди.