Қозоғистонда давлат хизматчилари маошини 50 фоизга ошириб беришлари мумкин 

Қозоғистон давлат хизмати ишлари ва коррупцияга қарши кураш агентлиги давлат хизматчиларига иш ҳақи тўлашнинг янги тизимини жорий этмоқда, унда маошни 50 фоизга қадар кўпайтириш мумкин, деб хабар қилмоқда Sputnik Қозоғистон.

«Давлат хизматчиларига иш ҳақи тўлашнинг янги тизими уларнинг маошларини 50 фоизга ошириши мумкин», - дея хабар берди агентлик раисининг ўринбосари Ойгул Шоимова.

Янги тизим икки қисмдан иборат бўлади: доимий ва ўзгарувчан.

Биринчиси эгаллаб турган лавозимга боғлиқ бўлади. Ўзгарувчани эса қилинган ишга қараб бонуслар қўшишни назарда тутади. Дастлабки лойиҳага кўра, бонуслар йилда бир маротаба давлат хизматчиси фаолиятини баҳолаш асосида тўланади.

Бонуслар ҳаммаси бўлиб 4 синфга бўлинади: “ажойиб”, “самарали”, “қаноатлантирувчи” ва “самарасиз”. Шоимованинг сўзларига кўра, бонусларни “ажойиб” ва “самарали” ходимлар олиши режалаштирилмоқда.