Қўшимча функционаллар
-
Тунги кўриниш
Таиландлик генерал мигрантларга ноинсоний муносабатда бўлгани учун 27 йилга қамалди
Фото: Athit Perawongmetha / Reuters
Таиланд пойтахти Бангкок шаҳри суди генерал Манус Конгпанни порахўрлик ва мигрантларга нисбатан ноинсоний муносабатда бўлганлиги учун 27 йиллик қамоқ жазосига ҳукм қилди. Бу ҳақда Reuters’га асосланиб, Lenta.ru хабар қилмоқда.
Тергов 2015 йилда жанубдаги Сонгкла вилоятида, асосан, роҳинжа халқига мансуб инсонларнинг оммавий дафн этилган жойи топилганидан сўнг бошланган эди.
Контрабандачилар одамларни Мьянма ва Бангладешдан Таиландга жўнатишган. Конгпан эса Таиландга ноқонуний кириб келган мигрантларни экстрадиция қилишга жавобгар шахс бўлган. Унинг раҳбарлигида ҳарбийлар мигрантларни моторсиз, эшкаксиз ва елкансиз қайиқларга ўтқазиб, денгизга қўйиб юборишган ва оқибатда уларнинг кўпчилиги йўлда нобуд бўлган.
Бу ишга алоқадорликда гумонланган жами 62 киши судланган.
Генералнинг ўзи мигрантларга ёмон муносабатда бўлганини қатъиян рад этиб келмоқда. Унинг сўзларига кўра, генерал уларга ёрдам берган, чўнтагидаги пулларни сарфлаб, мигрантларга таом ва сув олиб берган.
Роҳинжа халқи Мьянманинг ғарбий ҳудудларида истиқомат қилади. Ислом динига итоат этувчи бу халқ буддавий бирмаликлар томонидан уюштирилган босимга чидаш бера олмай, кўпинча қўшни давлатларга қочиб ўтишади.
Мавзуга оид
23:19 / 01.10.2024
Таиландда 40 га яқин ўқувчи ва ўқитувчиларни олиб кетаётган автобус ёниб кетди. Камида 20 киши ҳалок бўлгани айтилмоқда
21:12 / 29.09.2024
Таиланд ҳукумати иқтисодиётни рағбатлантириш учун фуқароларга 300 доллардан тарқатишни бошлади
01:00 / 29.09.2024
Таиландда фермер девор қулаши хавфи сабаб 100 дан ортиқ тимсоҳини ўлдиришга мажбур бўлди
13:20 / 27.09.2024