Ўзбекистон ва Афғонистон ўртасида алоқа операторларидаги халқаро трафик ҳажмини ошириш масаласи кўриб чиқилди

20 июль куни Ахборот технологиялари ва коммуникацияларини ривожлантириш вазирлигида Афғонистон Ислом Республикаси Президентининг инфратузилма, кадрлар ресурслари ва технологиялар масалалари бўйича бош маслаҳатчиси Х.Қаюмий билан учрашув бўлиб ўтди. Бу ҳақда вазирлик Ахборот хизмати хабар бермоқда.

Суҳбат давомида телекоммуникация ва ахборот технологиялари соҳасида икки тарафлама алоқаларни ривожлантириш, хусусан, юқори тезликдаги транзит алоқа каналлари, иккала мамлакатдаги алоқа операторларидаги халқаро трафик ҳажмини ошириш, халқаро интернет тармоғига юқори тезликда уланишни ташкиллаштириш, АКТ соҳасида кадрларни тайёрлаш ва бошқа масалалар кўриб чиқилди.