Эрдўған Макрон билан Ал-Қудс ва Қатардаги кескин вазиятни муҳокама қилди

Туркия президенти Ражаб Тоййиб Эрдўған Франция раҳбари Эммануэль Макрон билан телефон мулоқот ўтказди. Бу ҳақда “Анадолу” хабар берди.

Туркия раҳбари маъмуриятининг маълумотига кўра, икки давлат етакчилари Ал-Қудсдаги вазиятни, жумладан, Ал-Ақса масжидига ташриф буюрувчиларга нисбатан Исроил полицияси томонидан киритилган чеклов чораларини муҳокама этишган.

Кескинликнинг ўсиши, инсонларнинг ҳалок бўлаётгани туфайли ташвиш билдирилган. Суҳбатдошлар Ал-Қудсдаги муаммони ҳал этиш ва вазиятни барқарорлаштиришга ҳисса қўшишга тайёрликларини маълум қилишди.

Томонлар Сурия ва Ливия бўйича фикр алмашишди. Қатар билан боғлиқ кескинлик мавзуси ҳам тилга олинди.