Илон Маскнинг янги лойиҳаси – The Boring Company Нью Йоркдан Вашингтонгача туннел очиш бўйича ишларни бошлаши мумкин. Бу ҳақда тадбиркорнинг ўзи Twitter саҳифасида маълум қилди. Ҳукумат компанияга бу каби ишларни олиб боришга рухсат берди.
Ерости туннелини Маскнинг яна бир лойиҳаси – Hyperloop товушдан тез ҳаракатланувчи поездларнинг ерости тармоғини барпо этишда фойдаланилади. Тахминларга кўра, туннел Нью-Йорк-Филадельфия-Балтимор-Вашингтон йўналишида қурилади. Лойиҳа муваффақиятли амалга оширилса, икки шаҳар ўртасидаги масофани 29 дақиқада ортда қолдиришлари мумкин.
Маскнинг аниқлик киритишича, поездлар бекатлари шаҳарларнинг марказларида бўлади, йўловчилар бекатга «ўнлаб, балки ундан ҳам кўп бўлган» лифтла воситасида тушишади.
Аввалроқ тадбиркор Лос-Анжелесда шу каби туннелнинг синов лойиҳаси амалга оширилиши бошланганини маълум қилганди.
Шу вақтгача Hyperloop лойиҳаси доирасида вакуумли поезднинг тиркамаси 500 метрлик туннелда синовдан ўтказилди. У магнит кучи воситасида ҳаракатланиб, 5,3 сонияда соатига 112 км соат тезликка эриша олди. Hyperloop тўлиқ ишга тушганда йўловчи капсулалари соатига 1200 км тезликда ҳаракатлана олади.
