Миср суди бош прокурорнинг қотиллигида айбланган 28 кишига чиқарилган ўлим жазосини тасдиқлади

Миср жиноий суди мамлакат собиқ бош прокурори Хишам Баракатнинг 2015 йилда ўлдирилиши бўйича ишда айбланувчи сифатида ўтаётган 28 инсонни осиш орқали ўлим жазосига маҳкум этди.  
Бу ҳақда Youm7 хабар бермоқда.

Тергов маълумотига кўра, Миср бош прокурорининг ўлдирилиши, буни ташкиллаштириш ва тайёргарлик кўришда ҳаммаси бўлиб 67 киши иштирок этган.

Хишам Баракат 2015 йилнинг июнида Қоҳира шаҳрида ўлдирилган, унинг автомобили портлатиб юборилганди.

Аввалроқ Мисрда собиқ бош прокурор қотиллиги бўйича суд жараёни бошлангани хабар қилинганди.