Украина Россиянинг Донбасс ва Қримдаги жиноятларини тасдиқловчи ҳужжатларни БМТ судига юборди

Фото: AFP

Украина БМТ Халқаро судига Россиянинг Донбасс ҳамда Қримдаги “тажовузкорликларда”ги иштирокини тасдиқловчи мингдан ортиқ саҳифадан иборат бўлган ҳужжатли далилларни тақдим этди. Бу ҳақда Украина хавфсизлик хизмати раиси Василий Грицак маълум қилди, деб хабар бермоқда УНН.

«БМТ халқаро судига Россиянинг Донбасс ва Қримдаги жиноятларини тасдиқловчи минглаб саҳифадан иборат ҳужжатлар тақдим этилди», - дея маълум қилган Грицак.

Унинг сўзларига кўра, ҳужжатлар Россия раҳбарияти «Украина давлатини барча йўл орқали йўқ қилиш учун аниқ мақсадли кенг кўламли иш» олиб бораётганини исботлайди.