CNN: АҚШ давлат котиби истеъфога чиқмоқчи

АҚШ давлат котиби Рекс Тиллерсон муддатдан аввал истеъфога чиқиши мумкин. Бу ҳақда CNN телеканали манбаларга асосан хабар қилмоқда.

Манбаларнинг сўзларига кўра, Тиллерсон АҚШ президенти Дональд Трампнинг мамлакат бош прокурори Жефф Сешнсга нисбатан ошкора билдирган фикрларини нопрофессионал, деб баҳолаган.

Телеканалнинг таъкидлашича, Давлат департаменти раҳбари аввал ҳам Трамп билан бир неча бор можарога киришган, шунингдек, бу борадаги ўз фикрларини фаол тарзда билдириб келган.

Аввалроқ ОАВ Нью-Йоркнинг собиқ ҳокими Рудольф Жулиани АҚШ бош прокурори этиб тайинланиши мумкин экани ҳақида хабар тарқатганди.