Хитой билан икки томонлама муносабатларни ривожлантириш масалалари муҳокама қилинди

2017 йилнинг 24 июль куни Ўзбекистон Республикаси Ташқи ишлар вазирлигида Хитой Халқ Республикасининг Ўзбекистон Республикасидаги Муваққат ишлар вакили Чжан Венчуан билан учрашув бўлиб ўтди.

Мулоқот чоғида сиёсий, савдо-иқтисодий, инвестиция, маданий-гуманитар ва бошқа соҳаларда Ўзбекистон-Хитой ҳамкорлигини янада ривожлантириш бўйича “Йўл харитаси”ни амалга ошириш масалалари ҳамда турли даражаларда бўлажак икки томонлама учрашувлар жадвали эътибор марказида бўлди.