Нетаньяху Иорданиядаги дипломатларга кўрсатилган ёрдам учун Трампга миннатдорчилик билдирди 

Исроил бош вазири Биньямин Нетаньяху АҚШ президенти Дональд Трампга Исроилнинг Иорданиядаги элчихонаси ходимларининг ватанларига қайтишларида кўрсатилган кўмак учун миннатдорчилик билдирди. Исроил элчихонасининг қўриқчиси икки нафар маҳаллий вакил ҳужумидан ҳимояланиб, уларни отиб ташлагандан кейин хавфсизлик нуқтаи назаридан дипломатларнинг эвакуация қилиниши талаб қилинган.

"Мен президент Трампга у Жаред Кушнерга кўрсатма бериб, ўзининг халқаро музокаралар бўйича вакили Жейсон Гринблаттни Исроил элчихонаси персоналини уйга тезкорлик билан қайтарилишида ёрдам бериш учун жўнатгани учун миннатдорман", деб айтган Нетаньяху ўз баёнотида.

"Мен шунингдек Иордания қироли Абдуллоҳга яқин ҳамкорлик учун миннатдорчилик билдираман", деб айтган Исроил бош вазири. 

Исроиллик дипломатларнинг уйларига қайтарилишидаги мураккабликлар Иордания ҳукумати Аммандаги элчихона қўриқлаш хизматининг енгил яраланган ходимини мамлакатдан чиқаришдан бош тортгани сабабли юзага келганди.

Аввалроқ Амманда ижарага олинган квартирада мебелни алмаштираётган ишчилар ва элчихона қўриқчиси ўртасида низо чиққани маълум қилинганди. Ишчилардан бири исроилликка отвёртка билан ҳужум қилганда, исроиллик унга ўқ узган. Олинган жароҳатлардан ишчи ва уй эгаси жон берган.