Ўзбекистон Президенти Шавкат Мирзиёев 2017 йилнинг 24 июль куни “Ўзгеорангметлити” ДУКни Давлат архитектура қўмитасидан Давлат геология қўмитаси тизимига ўтказди.
Ўзбекистон раҳбари “Рудали фойдали қазилма конларини саноатда ўзлаштириш соҳасида илмий-тадқиқот ва лойиҳа-қидирув ишларини бошқаришни такомиллаштириш чоралари тўғрисида”ги қарорни имзолади.
Қарор билан “Ўзгеорангметлити” ДУКнинг асосий вазифалари ва фаолияти йўналишлари тасдиқланди.
Корхона тоғ-кон ва металл саноати объектлари учун рудали фойдали қазилмаларни, биринчи навбатда, қимматбаҳо ва рангли металлар, шунингдек, уранни қазиб олиш ва қайта ишлаш бўйича лойиҳадан аввалги ва лойиҳа-қидирув ҳужжатларини ишлаб чиқиш билан шуғулланади.
“Ўзгеорангметлити” ДУК мураккаб тоғ-геология шароитларига эга конларни жаҳон илм-фани ва амалиёти муваффақиятларини таҳлил қилиш асосида комплекс ўзлаштириш соҳасида самарали лойиҳа қарорларини ишлаб чиқади.
Корхона минерал хомашёни қазиб олиш ва комплекс қайта ишлаш технологияси соҳасида амалий ва инновацион илмий-тадқиқот ишларини олиб боради.
