Ўзбекистон Осиё инфратузилмавий инвестициялар банки билан ҳамкорликни фаоллаштиради

2017 йилнинг 29 июль куни Ўзбекистон Республикасининг Хитой Халқ Республикасидаги янги тайинланган фавқулодда ва мухтор элчиси Бахтиёр Саидов Осиё инфратузилмавий инвестициялар банки президенти Цзинь Лицюнь билан учрашув ўтказди.

Томонлар учрашув давомида Осиё инфратузилмавий инвестициялар банки билан ўзаро ҳамкорликнинг ҳозирги ҳолати ва келажакдаги истиқболлари юзасидан фикрлар алмашди.

Элчининг таъкидлашича, Ўзбекистон Осиё инфратузилмавий инвестициялар банкини муҳим халқаро молиявий институтлардан бири сифатида кўради. У Осиёда инфратузилма сифатини жиддий равишда яхшилаши ва минтақа аҳолисининг фаровонлигини оширишга кўмаклашиши мумкин.

Цзинь Лицюннинг хабар беришича, банк Ўзбекистон билан муваффақиятли ҳамкорликка тайёр.