“ДХР”: НАТО ва АҚШ Киевга норасмий тарзда қурол етказиб бермоқда
“Донецк халқ республикаси” тезкор қўмондонлиги қўмондони ўринбосари Эдуард Басуриннинг маълум қилишича, НАТО ва АҚШ анчадан бери украиналик куч тузилмалар ходимларига ноқонуний равишда қурол-яроғ етказиб бермоқда. Бу ҳақда РИА «Новости» хабар қилди.
«АҚШ ва НАТО қурол-яроғ ҳамда ўқ-дориларни Украина қуролли кучларига ноқонуний равишда етказиб беришни анчадан бери амалга оширмоқда», - дея таъкидлаб ўтди у.
Басуриннинг иддао этишича, Киев Болгарияда ишлаб чиқарилган РПГ-7 парчаланувчи гранаталарни олган ҳамда улар 31 июлга ўтар кечаси Авдеевка туманида қўлланилган.
«Болгария НАТО давлати ҳисобланади, ҳамда Украина қуролли кучлари бўлинмаларида шундай қурол-яроғларнинг борлиги ўқ-дорилар ноқонуний етказиб берилишининг яна бир исботи», - дея қўшимча қилган у.
Аввалроқ The Wall Street Journal нашри америкалик амалдорлар орасидаги манбаларга асосан Пентагон ва Давлат департаменти Украинага танкларга қарши ракеталар ҳамда бошқа қурол-яроғни етказиб бериш бўйича режа ишлаб чиққанини хабар берганди. Таъкидланишича, идоралар Оқ уйдан тасдиқловни кутмоқда.
Олдинроқ Трамп Россиянинг Украина бўйича ҳаракатлари ўзгаришига умид қилаётгани маълум қилинганди.
Мавзуга оид
21:36 / 26.10.2024
NYT: хитойлик ҳакерлар Трамп ва Вэнснинг телефонларини бузиб киришга уринди
21:15 / 26.10.2024
КХДР ҳарбийлари Россиянинг Курск областига етиб борди – ОАВ
19:18 / 26.10.2024
Қийин танлов: АҚШдаги мусулмонлар сайловда кимга овоз беришади?
12:57 / 26.10.2024