Истанбул қамоқхонасида грузиялик 150 маҳбус очлик эълон қилди

Истанбул қамоқхонасида грузиялик тахминан 150 маҳбус очлик эълон қилди, деб хабар бермоқда «Рустави 2» телеканали.

Таъкидланишича, маҳбусларнинг оила аъзолари қамоқхона маъмуриятини шафқатсизликда, Грузия дипломатик идораларини вазиятга эътибор қаратмасликда айбламоқда. 

Хабар қилинишича, маҳбуслар тўрт кундан бери ҳеч нарса истеъмол қилаётгани   йўқ. Очлик эълон қилинишига асосий сабаб – овқатлар сифатининг ёмон экани, шунингдек, ибодат қилиш учун махсус бурчакнинг йўқлигидир.