Эрон Фаластин халқини қўллаб-қувватлашни давом эттиради

Фото:aa.com.tr

Фаластин ислом ҳаракати (ХАМАС) делегацияси Эрон ташқи ишлар вазири Муҳаммад Жавод Зариф билан учрашув ўтказди. Бу ҳақда ХАМАС баёнотида маълум қилинди.

Теҳронда ўтган учрашув чоғида томонлар Фаластин ва Ал-Ақсо масжиди учун умумий душманга қарши курашда ҳамкорлик йўлларини муҳокама қилишган.

"Эрон Фаластин муаммосидаги фикрини ўзгартирмаган. Теҳрон ХАМАС ва Фаластиннинг бошқа гуруҳлари билан алоқаларни қўллаб-қувватлайди ҳамда Фаластин халқига кўмак беришда давом этади", деб айтган Зариф учрашув вақтида.

Унинг айтишича, Эрон Фаластин ва ислом олами бирдамлигини қўллаб-қувватлаш учун барча келишмовчиликларни унутишга тайёр.